أيوة أنا زعلان طحن. سمعت عظة عيد الميلاد كذا مرة ورا بعض علشان أفهم. يمكن كنت عاوز تقول حاجة ضمنية و أنا ما خدتش بالي منها؟ قعدت أسمع و أسمع و أتفرج و أتفرج على عظة عيد الميلاد بتاعة السنة دي و بتاعة السنة اللي فاتت لما برضه كانت الكنيسة مقدمة شهداء في أحداث الاسكندرية في كنيسة القديسين، و قلت أكيد مش هالاقي فرق كبير بين العظتين، ما هو البلا لسه بالينا و الهم لسه راكبنا، و الشهداء كتروا و البهدلة كترت، يعني لو فيه فرق يبقى هانكون زعلانين أكتر السنة دي.
أنا هاحاول أمسك لساني و ما أشتمش على قد ما ربنا يقدرني.
نفترض إن المعتصمين دول شوية بلطجية و محششين و حثالة المجتمع. نفترض برضه انهم أجرموا لأنهم أغلقوا الطريق و منعوا الدخول لمنشآت عامة استراتجية (مجلس الوزراء). نفترض برضه انهم جهلة و ما يفهموش في السياسة و لا عندهم أي مطالب معقولة و مدفوع لهم من جهات واطية زيهم علشان تخريب البلد. و نفترض كمان انهم معاهم سلاح و مولوتوف و ذخيرة حية و دبابات كمان. بيتهيأ لي ما فيش افتراضات أكتر من كده؟؟؟!!!!
الجيش بقى (أو بمعنى أدق المجلس العسكري) هو اللي بيحكم البلد، يعني عنده قوة بشرية و ذخيرة و إعلام و القانون في صفه و كل حاجة. تمام كده؟! و فيه ناس بتحاول تعمل وقيعة بين الجيش و الشعب، و المجلس العسكري نفسه قال الكلام ده، يعني المجلس العسكري متأكد إن فيه محاولات وقيعة بس (يا عيني) مش عارف من مين و مش عارف يقبض على اللي بيحاول يعمل الوقيعة. و الوقيعة دي فعلاً ابتدت تأثر على بعض مواطنين و اتهيأ لهم إن الجيش ساب الشرطة تقتل المتظاهرين و تخنقهم بالغاز في نوفمبر اللي فات. المجلس العسكري ده بقى طاهر اليدين و شريف و عفيف و بيخر وطنية، و هو أصلح من يحكم البلد في هذه المرحلة. صح كده؟ عداني العيب بيتهيأ لي (بالنسبة لحبايبنا بتوع العباسية)...!
عجيب هذا الفوتوشوب...! في عقدين من الزمان أو ما يقرب تحول الفوتوشوب إلى تقنية فظيعة يمكن بواسطتها خلق عالم غريب و مريب يشابه الواقع بدرجة كبيرة حتى تظن أنه فعلاً يحدث...! و حياة العيش و الملح و الفول و الطعمية بيحصل و هاقدم لك الدليل.
ممكن الفوتوشوب يقنعك إن حمو النيل ده اصابات خرطوش:
اندريا اسطفانوس شاب يوناني في مقتبل العمر شائت الأقدار أن يتواجد في أحداث الشغب التي حدثت في اليونان في الآونة الأخيرة، و قدر له أن يموت على أيدي الشرطة اليونانية المجرمة، التي ما كان من افرادها إلا أنهم سحلوا جثته على الأرض و القوا بها في أكوام القمامة. صور أحد اليونانيين الشرفاء هذا الحادث الإجرامي البشع و نشر الفيديو على صفحات الإنترنت لتعريف العالم ببشاعة قسوة و إجرام الشرطة اليونانية، و إتخذ بعض الحاقدين العملاء هذا الفيديو وسيلة لبث الكراهية في قلوب المواطنين المصريين الشرفاء ضد أفراد الجيش المصري البواسل و ضباط الشرطة المصرية الشرفاء، فنشروا هذا الفيديو مستخدمين عنواناً مثيراً يقول "الشرطة المصرية تلقي جثة شهيد في الزبالة"، و أثار الفيديو غضب و سخط الكثير من المصريين، و اندلعت أعمال عنف و شغب في ميدان التحرير لتدمر ما بقي من إقتصاد مصر و تعصف بالاستقرار و الأمن و الأمان.
هذا المقال القصير يحتوي على ألفاظ قد تكون خادشة للحياء بالنسبة للبعض. لا ينصح بقرائته لمن هم دون السن القانونية و لا لمن هم دون المخ القانونية أيضاً، و لا لمن يستحون من ظلهم.
و قد أعذر من لا مؤاخذة أنذر.
كالعادة طبعاً الجواب باين من عنوانه. و بيتهيأ لي أنتم حفظتوا بقى، بس للتذكرة نقول تاني. المؤدب أو اللي عامل نفسه مؤدب أو اللي بيتأذى من الألفاظ القبيحة ما يقراش المقال ده. و قد أعذر من أنذر.
احنا معظمنا طبعاً كان قاعد على نار من يوم الثورة و نفسه يشوف مبارك في القفص هو و ولاده و كريه الظالمي (الشهير بحبيب العادلي)، و الحمد لله ربنا حقق لنا امنيتنا و شفناهم و المفروض كده إن طيزنا بردت، على الأقل من جهة الموضوع ده.
