"لماذا قامت الثورة؟ أنا ما أعرفش لماذا قمت الثورة. أنا كنت في الحمام ساعتها." هكذا قال الفنان عادل إمام في مسرحيته "الزعيم" متهكماً على حكام البلاد العربية الذين يركبون موجة الثورات ثم يستبدون بالحكم. و أنا أحاول أن أسأل نفسي الآن و أفكر في السبب التي قامت من أجله ثورة ٢٥ يناير ٢٠١١ و الأهداف التي كانت تهدف إليها إن وجدت.
أيوة أنا زعلان طحن. سمعت عظة عيد الميلاد كذا مرة ورا بعض علشان أفهم. يمكن كنت عاوز تقول حاجة ضمنية و أنا ما خدتش بالي منها؟ قعدت أسمع و أسمع و أتفرج و أتفرج على عظة عيد الميلاد بتاعة السنة دي و بتاعة السنة اللي فاتت لما برضه كانت الكنيسة مقدمة شهداء في أحداث الاسكندرية في كنيسة القديسين، و قلت أكيد مش هالاقي فرق كبير بين العظتين، ما هو البلا لسه بالينا و الهم لسه راكبنا، و الشهداء كتروا و البهدلة كترت، يعني لو فيه فرق يبقى هانكون زعلانين أكتر السنة دي.
السنة اللي فاتت ابتديت العظة بتاعتك كالآتي:
